روهي (درې نۍ/۲۴ د چنګاښ)، د هېواد شمالي فارياب ولايت کې ناڅرګنده وسله والو د يو جومات دننه پر لمونځ کوونکو بريد کړی، چې ۴ کسان په کې وژل شوي او ۶ نور ټپيان دي.
ولايتي ادارې د پېښې پخلی کړی دی خو د پېښې لامل تر اوسه مالومام نه دی. تر اوسه دا هم مالومه نه ده چې وسله وال څوګ وو.
پېښه تېره شپه د لمانځه پر مهال شوې ده او ټپيان روغتونونو ته وړل شوي دي. تر اوسه کومې ډلې د بريد مسووليت نه دی منلی.
د فارياب والي نقيب الله فايق د پېښې مسووليت د طالبانو په غاړه اچولی دی خو طالبانو تر اوسه د يادې پېښې او د والي د شوې ادعا په اړه څه نه دي ويلي.
