روهي (څلورنۍ/۱۸ د چنګاښ)، کابل ښاروال دواد سلطانزوی نن ورځ ولسي جرګې ته ورغلی وو، ترڅو د کرونا ويروس لپاره د هغه پيسو په اړه سپيناوی ورکړي، چې د ښاروالۍ له خوا خرڅ شوې دي.
دواد سلطانزوی د خپلو خبرو په يوې برخې کې کابل ښار کې د شته زورواکو سر ټکولی دی. نوموړی ويلي دي چې کابل کې ډېرۍ لوړپوړيزې ودانۍ د وزوراکو له خوا په خپل سر او د وسلې په زور جوړيږي.
نوموړي ولسي جرګې ته ويلي دي چې کابل ښار کې د بې نقشې او خپلو سرو بلند منزلو تر شا زورواکي شتون لري، چې د ښاروالۍ زور ور سره نه رسيږي.
دواد سلطانزوی ويلي دي چې د دغه چارې د مخنيوي لپاره به نېږدې وخت کې کابل ښاروالي خپله طرحه ولسمشرۍ ماڼۍ او ولسي جرګې ته ولېږي.
