روهي (څلورنۍ/۱۸ د چنګاښ)، سويلي کندهار ولايت شاه ولي کوټ ولسوالۍ کې نن سهار د پوليسو پر قومندانۍ موټربم بريد شوی، چې تلفات يې رامنځ ته کړي دي.
سرچينو رسنيو ته ويلي دي چې بريد نن سهار څلور بجې شوی. سرچينې ويلي دي چې پېښه د موټر بم په وسيله شوې ده چې درې پوليس په کې وژل شوي او ۱۸ نور ټپيان دي.
خو بيا د کندهار د والي وياند بهیر احمدي رسنيو ته ويلي دي چې بريدګر موخې ته له رسېدو وړاندې په نښه شوی او موټر يې چاودنه کړې.
