روهي (درې نۍ/۱۷ د چنګاښ)، د اسرائيلو دفاع وزير بني ګانتز ويلي دي چې دغه هېواد د خپلو ملي امنيت د خوندي ساتلو لپاره د اوفک-۱۶ په نوم يوه نېو سپوږمکۍ يا سټلايټ فضا ته لېږلی دی.
رسنيو د اسرائيلو د دفاع وزير له خولې لېکلي دي، "مونږ به په هره برخه او هر ځای کې د اسرائیل د وړتیاو غښتلي کولو ساتلو ته دوام ورکړو".
که څه هم بني ګانتز د سپوږمکۍ د توغولو په اړه ډېر مالومات نه دي ورکړي خو اسرائيلي رسنيو راپورونه ورکړي دي چې د دغه سپوږمکۍ له توغولو موخه د ايراني د اټومي پروګرام څار دی.
اسرائيل او امريکا د ايران اټومي پروګرام د نړۍ او ځان لپاره ګواښ ګڼي خو بيا ايران خپل اټومي پروګرام سوله ييز يادوي.
