روهي (يوه نۍ/۸ د چنګاښ)، د افغان روغې - جوړې لپاره د امريکا متحدو ايالتو ځانګړی استازي زلمی خليلزاد د افغانستان د بشر حقونو خپلواک کمېسيون پر کارمندانو د تېرې ورځې بريد غندلی او انساني ضد عمل يې بلل دی.
نوموړی ويلي چې ياد بريد د هغه چا کار دی چې د افغانستان د سولې بهير خلاف دي. خليلزاد د بشر حقونو خپلواک کمېسيون د وژل شوې کارمندې فاطمه خلیل يوه زوروه کارمنده بللې ده.
تېره ورځ د کابل ښار ۱۲مې حوزې اړوند څرخي پُل سيمه کې د بشر حقونو خپلواک کمېسيون د کارمندانو په موټر چاودنه وشوه چې فاطمه خلیل نومي کارمنده او موټر چلونکی جاوید فولاد په کې ووژل شول.
