روهي (نۍ/۱۰ د غبرګولي)، وسله والو طالبانو نن ورځ په بلخ، کندز، لوګر، پکتیا، خوست او پکتیکا ولایتونو د افغان حکومت يو شمېر بندان ازاد کړي دي. د طالبانو په وينا چې ازاد شوي کسان پوځيان وو.
قطر کې د طالبانو د سياسي دفتر ویاند سهيل شاهين پر ټوېټر ليکلي دي، "نن ورځ یوځل بیا په بلخ، کندز، لوګر، پکتیا، خوست او پکتیکا ولایتونو کې د کابل ادارې ۷۳ تنه عسکر د اسلامي امارت له زندانونو څخه آزاد شول.
د جامو او فی نفر د ۵۰۰۰ افغانیو په ورکړې سره خپلو کورنیوته واستول شول.
په دې سره تر اوسه پورې د کابل ادارې ټول ۴۲۰ تنه عسکر خوشي شوي دي."
له دې وړاندې افغان حکومت د طالبانو دوه زره بنديان ازاد کړي دي، چې زر يې له اختر وړاندې او زر نور يې د ولسمشر غني په فرمان له کوچني اختر وروسته ازاد شول.
