روهي (پنځه نۍ/۸ د غبرګولي)، د هېواد د عامې روغتيا وزارت د نن ورځې مالوماتو اړوند، په تېرو ۲۴ ساعتونو کې د کرونا ويروس ۵۸۰ نوې پېښې ثبت شوې دي چې په دې سره د ټولو مثبتو پېښو شمېر ۱۳۰۳۶ تنو ته ورسېد.
تېره يوه شپه - ورځ کې اته کسان د دغه ويروس له امله مړه شوي دي او په افغانستان کې هغه کسان چې ژوند يې کوېډ-۱۹ اخېستی، ۲۳۵ شول. د روغتيا وزارت وايي چې ۱۲۰۹ کسان تر اوسه له کوېډ-۱۹ رغېدلي دي.
۵۸۰ تازه پېښې د هېواد په اوو ولايتونو کې ثبت شوې دي، چې ډېری (۲۳۳) يې په پلازمينې کابل کې دي.
