عطا محمد نور: عبدالله عبدالله د غلا، چور او شخصي ګټو لپاره ځان د حکومت شريک کړ 



روهي (دوه نۍ/۲۹ د غوايي)، د بلخ پخواني والي او د جميعت ګوند اجرائيوي رئيس جنرال عطا محمد نور د ولسمشر محمد اشرف غني  او ډاکټر عبدالله عبدالله د سياسي واک د وېش له هوکړې سره مخالفت وښود او د هېواد په زيان يې بللې ده. 

عطا محمد نور ويلي چې تېره ورځ ياده سياسي هوکړه ولوستله او هېڅ داسې څه يې په کې پيدا نه کړل چې د هېواد د ملي ګټو، اقتصاد، بې کارۍ او سولې په پار وي. عطا محمد نور ويلي چې د ثبات او هپمالنې ټيم د شخصي ګټو لپاره ځان د واک شريک کړ. 

د ولسمشر غني او ډاکټر عبدالله ترمنځ په سياسي هوکړه کې  د مصالحې عالي شورا د  بوديجې اړه مستقل واحد ذکر شوی او ويل شوي دي  چې هېڅ اداره نه شي کولی چې د مصالحې عالي شورا د پيسو د مصرف په اړه پوښتنه او برسي وکړي. عطا محمد نور وايي چې دغه ماده د غلا، چور او د بيت المال د پيسو څخه ناوړه ګټه اخېستنه په ګوته کوي. 

د بلخ پخواني والي عطا محمد نور ولسمشر غني هم په دې ملامت ياد کړی چې د هېواد منتخب ولسمشر ټاکل شوی، ټاکنو کمېسيون وثيقه ورکړې او په کار نه وه چې يو بايللي ټيم ته يې په واک کې دومره برخه ورکړې وه. 

 

تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ