روهي (پنځه نۍ/۱۸ د غوايي)، د هېواد د عامې روغتيا وزارت د نن ورځې مالوماتو پر اساس په تېرو ۲۴ ساعتونو کې د هېواد په بيلا بيلو ولايتونو کې ۱۷۱ نوې پېښې ثبت شوې دي، چې په دې سره د ټولو ککړو کسانو شمېر ۳۵۶۳ ورسېد.
همدا ډول په تېرو ۲۴ ساعتونو کې دوه کسان د کرونا ويروس له امله مړه شوي او اته کسان نور له درملنې وروسته رغېدلي دی.
عامې روغتيا وزارت ويلي دي چې تازه ثبت شوې ۱۷۱ پېښې ، د کابل په شمول د هېواد په ۱۷ ولايتونو کې ثبت شوې دي، چې ډېرې يې په کندهار، کابل او هرات ولايتونو کې دي.
