روهي (څلورنۍ/۱۷ د غوايي)، د پاکستان تو افغان حکومتونو ترمنځ له هوکړې وروسته نن ورځ د تورخم دروازه په لنډمهاله ډول پرانېستل شوه. له سهار بيا تر غرمې تر ۴۶۰۰ کسان له يادې دروازې هېواد ته دننه شول.
دا دروازه وروسته له هغې پرانېستل شوه چې د کرښې هغه غاړې په زرګونه افغانانو شکايتونه وکړل چې له تېرو څو ورځو په لنډي کوتل هېواد ته د بېرته تګ په تمه دي.
تېره ورځ اسلام اباد کې افغان سفير لطف الله مشعل په ټوېټر ولېکل چې د يوې ورځې لپاره به تورخم دروازه پاکستان کې د پاتې افغانانو پر مخ پرانېستل شي.
د ننګرهار د والي وياند عطا الله خوګياڼي رسنيو ته ويلي دي چې د يادو مسافرو لپاره يې روغتيايي تياري نېولي او د راوښتلو پر مهال يې د کرونا ويروس معاينه او چېک تر سره شو.
