روهي (څلورنۍ/۱۷ د غوايي)، د هېواد د عامې روغتيا وزارت د مالوماتو پر اساس په تېرو ۲۴ ساعتونو کې ۱۶۸ د کرونا ويروس مثبتې پېښې ثبت شوې دي چې په دې سره د ټولو مثبتو پېښو شمېر ۳۳۹۲ تنو ته ورسېد.
د عامې روغتيا وزارت وياند وحيد مايار رسنيو ته ويلي دي، چې په تېرو ۲۴ ساعتونو کې ۳۷ کسانه له درملنې وروسته جوړ شوي او همدا ډول نهو کسانو د کرونا ويروس له امله خپل ژوند له لاسه ورکړی.
تېره ورځ په افغانستان کې ۳۰۰ مثبتې پېښې ثبت شوې چې تر ټولې لوړه شمېره بلل کيږي. عامې روغتيا وزارت د کرونا ويروس حالت صعودي يا مخ پر وړاندې بللی او له خلکو غوښتي دي چې په کورونو کې پاتي شي.
