روهي (يوه نۍ/۲۴ د غوايي)، د پخواني جهادي قومندان مارشال محمد قسيم فهيم زوی اديب فهيم د ثبات او همپالنې ټيم مشر ډاکټر عبدالله عبدالله سره خپله سياسي ملګرتيا پای ته ورسوله.
اديب فهيم پر فېسبوک ليکلي دي، چې د کالونو مشر، ملګري او ورور، يوه سياسي معامله وکړه؛ يوه سياسي معامله او څوکي يې د جهاد او مقاومت له ارزښتونه لوړه وشمېرله.
که څه هم نوموړي په څرګند ډول د عبدالله عبدالله نوم نه دی ليکلی خو اشاره يې د ولسمشرۍ ماڼۍ او عبدالله عبدالله ترمنځ د سياسي کړکېچ طرحې ته ده چې په پايله کې به يې عبدالله عبدالله د مصالحې عالي شورا مشر شي.
له اديب فهيم وړاندې د جمعيت ګوند مشر صلاح الدين رباني، احمد ضيا مسعود، فضل احمد معنوي او يو شمېر نورو د عبدالله عبدالله طرحې؛ په سياسي واک کې ۵۰ سلنه ونډې او د مصالحې عالي شورا مشرۍ سره مخالفت ښوودلی وو.
