د نړۍ هغه هېوادونه چېرته چې کرونا ويروس نشته
روهي (نۍ/۱۳ د غوايي)، د ډيلي ميل رسنۍ د مالوماتو پر اساس تر اوسه د نړۍ شلو هېوادونو او خپلواکو سيمو ته کرونا ويروس يا کوېډ-۱۹ نه دی رسېدلی او کومه مثبته پېښه په کې نه ده راپور شوې.
د قمر ټاپوګان؛
د کیریباتي جمهوريت؛
لسوتو؛
د مارشال ټاپوګان؛
د میکرونزي ايالتونه؛
د نائورو جمهوريت؛
د پالائو هېواد؛
د سلیمان ټاپګانو؛
تونګا؛
ترکمنستان؛
تووالو؛
د وانواتو جمهوريت او شمالي کوریا هغه هېوادونه چې د کرونا ويروس هېڅ مثبتې په اړه په کې نه دي ويل شوي. دغه نوملړ کې د تاجکستان نوم هم راغلی خو دوه ورځې وړاندې تاجسکتان کې د کرونا ويروس لومړۍ ۱۵ مثبتې پېښې ثبت شوې.
د نړيوالو شمېرنو پر اساس د نړۍ ۱۸۶ هېوادونو ته تر اوسه کرونا وژونکی ويروس رسېدلی دی. شمالي کوريا کې تر اوسه د کومې مثبتې پېښې نه دي ويل شوي، خو باور دا دی چې ياد هېواد د مثبتو پېښو او شمېر پټ ساتي.
کرونا ويروس د ۲۰۱۹ کال په وروستيو کې له چين خپور شو، چې اوس مهال يې د نړۍ په ۱۸۶ هېوادونو کې درې مېلېونه او درې لکه کسان ککړ کړي او د ۲۳۸۵۰۶ نورو ژوند يې اخېستی دی.
