روهي (نۍ/۶ د غوايي)، د سعودي عربستان شاهي حکومت د دُرو وهنې سزا لغوه اعلان کړې او په بديل کې مجرمينو ته د جبران کوونه او زنداني کول ټاکلي دي.
سعودي عربستان دا اقدام وروسته له هغې کړی دی چې د نړۍ ډېری هېوادونه او نړيوالې ادارې په دُرو وهل د انساني حقونو پر وړاندې عمل بولي او په دې اساس په تېر کې په سعودي عربستان ډېر نيوکې شوې دي.
د دُرو وهنې سزا د لغوه کېدو حکم پاچا عبدالعزيز بن سلمان ورکړی دی او د سعودي عربستان وليعهد محمد بن سلمان تر څار لاندې به پيلی شي.
بهر ته د خپلوان له اجازې پرته ښځو ته د سفر اجازه، ښځو ته د موټر چلولو اجازه، د لوبو ننداره، هوټلونو کې د ښځو او سړيو ترمنځ د پردې نه ساتلو اجازه او يو شمېر نورې هغه ازادۍ دی چې د سعودي عربستان شاهي حکومت له ۲۰۱۷ د خپل هېواد ښځينه وګړو ته ورکړې دي.
