روهي (دوه نۍ/۲ د وري)، د چک جمهوريت ولسمشر میلوش زمان، افغان ولسمشر محمد اشرف غني ته په ټاکنو کې د بيا ځلې ولسمشر کېدو مبارکي ويلي ده.
د ولسمشرۍ ماڼۍ په خبرپاڼه کې ويل شوي دي، "د مبارکۍ په دغه پیغام کې د چک جمهوررئیس د افغانستان د اسلامي جمهوریت د جمهوررئیس په توګه د محمداشرف غني د بیا انتخابېدو په مناسبت د افغانستان دولت او شریفو خلکو ته د خپلو صمیمانه مبارکیو مراتب څرګند کړي دي.
ښاغلي زمان همدارنګه په دغه پيغام کې د دواړو هیوادونو ترمنځ د اړیکو لازیاتې پراختیا ته په اشارې لیکلي: ډاډه یم چې افغانستان به ستاسو په رهبري سولې او ثبات ته ورسېږي."
