روهي (پنځه نۍ/۲۸ د وري)، د يو شمېر رسنيو د راپورونو پر اساس د ټاکنو کمېسيون دوه پخوانۍ غړې (حمیرا حقمل او ملیحه حسن) په ضمانت له زندان خوشي شوې دي. ويل کيږي چې دغه پخوانۍ کمېشنرانې د کرونا ويروس له وجې ازادې شوې دي.
که څه هم رسمي سرچينو تر اوسه په دې اړه څه نه دي ويلي خو افغان ولسمشر محمد اشرف غني زندانونو کې د کرونا ويروس د مخنيوي لپاره تر لس زره بنديان د خوشي کېدو فرمان ورکړی.
حمیرا حقمل، ملیحه حسن د ټاکميزو کمېسيونونو د پخوانيو مشرانو او غړو سره يو ځای په تېرو پارلماني ټاکنو کې د ناسم مديريت، له دندې په ناوړه ګټې او درغليو په تور زندان ته واچول شوې.
