دمیدان وردګ ولایت په مرکز میدانښار کې ددې ولایت (۲۰۰) کډوالو او بیرته راستنیدونکو کورنیو ته دملګرو ملتونو د کډوالو ادارې(UNHCR) لخوا ژمنۍ مرستې ددې ولایت والي محمد حلیم فدایي،دولایتي شورا غړو او دکډوالو دچارو د ادارې مسولینوو لخوا وويشل شوې.
ددې ولایت دکډوالو دچارو ریس محمد شفیق دقیق دمعلوماتو له مخې نوموړي ۲۰۰ کډوالي کورنۍ په هېواد دننه او هم د ګاونډیو هېوادونو څخه دلته را کډه شوې وې چې د ګومارل شوې پلاوې دراپور ورسته مستحقې بلل شوې وي، دپلاوې د راپور له مخې ۱۰۰ کورنۍ په مرکز میدانښار او ۱۰۰ کورنۍ په دایمیردادو ولسوالۍ کې استوګنه کوي چې د ژوند دبېلابېلو ستونزو سره لاس او ګریوان دي. نن ورته(۱۲) ډوله ژمني توکي لکه سکاره،کمپلې،پټوګان،جرابې،ترپالونه،موزې،واسکټونه او دا ډول نور ضروري توکي ورته وويشل شول .
