روهي (پنځه نۍ/۲۱ د وري)، کورنيو چارو وزارت وايي چې کابل ښار کې يې د کوېډ-۱۹ د خپرېدو د مخنيوي لپاره د ګرځبنديز تياري سخت کړي دي. پوليس وايي چې له بېړنی اړيتا پرته هغه کسان چې له کورونو را وځي جدي چلند ورسر ه کيږي.
کورنيو چارو وزارت د مالوماتو پر بنسټ، د کابل ښار په بيلا بيلو برخو کې يې ۱۶ سوه پوليس او ۴ سوه موټرونه ځای پر ځای پر ځای کړي دي، ترڅو د خلکو د ګڼې - ګوڼې مخه ونېسي.
د ګرځبنديز ترڅنګ حکومتي او يو شمېر خصوصي ادارو کابل کې د پر سړکونو د درملو پاشلو بهير هم پيل کړی دی. کابل کې نېږدې له تېرو لسو ورځو ګرځبنديز شروع شوی دی.
د هېواد عامې روغتيا وزارت خبرداری ورکړی دی، چې که چېرې د کابل په شمول نورو ولايتونو کې خلک د قرنطين اصول مراعات نه کړي، نو کرونا ويروس به په يو لوی بحران بدل شي.
