روهي (پنځه نۍ/۲۱ د وري)، ثمینه احمد او منظور سهابي چې پاکستان کې له کالونو د هنر او فلمونو برخه کې کار کوي په ۷۰ کلنۍ کې يې سره واده وکړ. دغه دوه هنري کسانو د همدې اوونۍ په سر کې سره نکاح تړلی.
د کرونا ويروس د خپرېدو له ويرې د ثمینه احمد او منظور سهابي واده پرته له مراسمو تر سره شوی او يوازې يو څو کسانو په کې برخه اخېستې وه.
پر ټولنيزو رسنيو د ثمینه احمد او منظور سهابي واده ته مثبت غبرګونونه ښوودل شوي دي او د اوږد او خوشحاله ژوند هيلې ورته وړاندې شوې دي.
