حکومت يې هرکلی کوي؛ طالبانو په هغه سيمو کې جګړو بس کوي چې کرونا په کې خپور وي 



روهي (پنځه نۍ/۱۴ د وري)، طالب وياند ذبيح الله مجاهد رويټرز سره په خبرو کې ويلي  دي چې د دوی ډله تر خپل واک لاندې هغه سيمو کې جګړه بس کړي چې که چېرې د کرونا ويروس په کې خپور شي. 

طالب وياند دا ژمنه هم کړې ده چې که چېرې د دوی تر واک لاندې سيمو کې کرونا ويروس خپور شي نو دوی ډاکترانو او روغتياپالانو ته امنيت برابر کړي. 

د هېواد عامې روغتيا وزارت د طالبانو د دغه دريځ پخلی کړی دی او ويلي دي، چې غوره ده په ټول افغانستان کې جګړه بس شي ځکه چې کوېډ-۱۹ د افغانستان هر سيمه کې خپرېدای شي. 

ذبيح الله مجاهد، دا وخت د اتحاد او اتفاق دی، چې ټولې نړۍ ته وښایو چې افغانان په بده ورځ کې اوږه په اوږه د وروڼو په شان درېږي، تر هغو څه طبیعي آفت وي څه انساني آفت وي په مقابل کې یې باید مجادله وکړو".

د يادونې ده چې افغانستان کې د کرونا ويروس په خپرېدو سره طالبانو تر خپلو واک لاندې سيمو کې عامه پوهاوی د کرونا ويروس د مخنيوي کمپاينونه پيل کړي. 

تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ