روهي (نۍ/۹ د وري)، د هېواد شمال ختيځ بدخشان ولايت یمګان ولسوالي له څو ساعته جګړې وروسته وسله والو طالبانو نېولې ده.
د بدخشان د ولايتي شورا يو غړي احمد جاوید مجددي رسنيو ته ويلي دي چې طالبانو تېره شپه پر يادې ولسوالۍ بريد وکړ چې له يو څو ساعته جګړې وروسته يې ونېوله.
د مجددي په وينا چې يګمان ولسوالۍ کې ډېری امنيتي کسان چې سيمه ييز پوليس او ولسي پاڅون کوونکو وو، د بدخشان کران او منجان ولسواليو ته تښتېدلي دي.
خو د بدخشان د والي وياند نیک محمد نظري د ولسوالۍ د سقوط د راپورونه رد کړي دي او ويلي دي چې ولسوالي نه ده سقوط شوې خو جګړه روانه ده.
