روهي(جمعه/۱۶ د کب)، د عبدالعلي مزاري د تلین غونډه کې هغه مهال ډزې شوې، رپوټونه وايي، د عبدالعلي مزاري د وژل کېدو ۲۵ تلین لمانځل کېده محمد کریم خلیلي خبرې کولې چې ډزې پیل شوې. ځینو سیمه ییزو رسنیو هغه وېډیو تصویرونه خپاره کړل، چې ډزې پکې روانې دي. تر اوسه د ډزو څرنګوالی او دا چې مرګ ژوبله پکې اوښتې او که نه، مالومه نه ده.
دغو مراسمو ته پخوانی ولسمشر حامد کرزي، عبدالله عبدالله، محمد محقق او ځینې نور چارواکي هم ورغلي وو، چې له ډزو سره غونډه ګډوډه او ډېری ګډونوال یې وتښتېدل.
