تاجکستان کې خلک اړ شوي او هڅول شوي دي چې جمعې په ورځ  جوماتونو ته له تګ ډډه وکړي 



روهي (څلورنۍ/۱۴ د کب)، د تاجکستان ملا امامانو د دغه هېواد له وګړو غوښتي دي چې د جمعې په ورځ دې جوماتونو ته له تګ او په جماعت لمونځ کولو ډډه وکړي. ملا امامانو دغه پرېکړې د کرونا ويروس د مخنيوي په پار کړې ده. 

که څه هم تاجکستان کې تر اوسه د کرونا ويروس کومه مثبته پېښه نه ده ثبت شوې وه خو حکومت او نورې ټولنيزې ادارې هڅه کوي چې په دغه هېواد کې د کرونا د ورتګ مخه ونېسي. 

د تاجکستان ديني عالمانو دغه پرېکړه د دغه هېواد د اسلامي مرکز سره په مشورې کړې ده. تاجکستان کې په يو شمېر نورو راټولېدنو او د نوي کال پر مېلو هم بنديز لګېدلی دی. 

کرونا ويروس له چين خپور شو چې اوس مهال د نړۍ ډېری هېوادونو ته رسېدلی دی او تر ۹۰ زره کسان په دې ويروس اخته شوي دي. د افغانستان په هرات کې هم د کرونا يوه مثبته پېښه ثبت شوې ده. 

تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ