روهي (څلورنۍ/۱۴ د کب)، د مصر حکومت د دغه هېواد پخوانی پوځي هشام عشماوي اعدام کړ. هشام عشماوي به ۲۰۱۴ کال کې له ترهګرو ډلو سره په همکارۍ تورن وو.
د همدې اوونۍ په سر کې د مصر پلازمېنې قاهرې کې يوې لوړې محکمې د هشام عشماوي په شمول تر ۳۰ کسان په اعدام محکوم کړل او تر لسګونه نورو ته يې د ټول ژوند بند سزا وټاکله.
نوموړی ديني سخت دريځه وو او په همدې اساس د مصر له پوځ اېستل شوی وو. د مصر محکمې ويلي چې هشام عشماوي په ۲۰۱۴ کال کې ۲۲ پوليس په يو بريد کې وژلي وو.
نوموړي په ليبيا کې هم جنګېدلی او بيا هلته ونېول شو چې د مصر د وخت ولسمشر په غوښتنه مصر ته وسپارل شو.
