روهي (څلورنۍ/۱۴ د کب)، له يوې اوونۍ اورکم او د طالبانو او امريکا ترمنځ د سولې هوکړه ليک څو ورځې وروسته همدا اوونۍ وسله والو طالبانو پر افغان امنيتي ځواکونو بيا خپل بريدونه پيل کړي دي.
تازه په کندز ولايت امام صاحب ولسوالۍ کې د افغان امنيتي ځواکونو پر پوستو د طالبانو بريد کې ۱۶ افغان پوځيان وژل شوي او دوه طالبانو ژوندي وړي دي.
کورنيو چارو وزارت هم رسنيو ته د طالبانو له خوا پر افغان ځواکونو د تازه بريدونو په اړه پخلی کړی او ويلي دي چې طالبانو ۳۳ بريدونه تر سره کړي چې ځيني ولسي وګړي هم په کې وژل شوي دي.
