روهي (څلورنۍ/۷ د کب)، د هندوستان پلازمنې نوې ډيلي کې د هندوانو او مسلمانانو ترمنځ شخړو کې تر شلو مسلمانان شهيدان شوي دي او په لسګون نور ټپيان شوي دي.
قهرېدلي هندوانو نوي ډيلي کې د مسلمانانو دوه جوماتونو ته اور ورکړی دی او همدا ډول په ټولنيزو رسنيو خپره شوي انځورونه ښيي هندوان په بې رحمۍ سره هغه مسلمانان ووهي چې هندوستان کې د تابيعت پر وړاندې لاريونونه کوي.
دغه لاريونونو کې د ځاني زيانونو ترڅنګ په لسګونه موټرونه سوځېدلي دي او يو شمېر ودانيو ته زيان اوښتی دی. د نښتې عمده ځايونه جغفر اباد او چاند باغ نومي سيمې دي چې د جګړې په دګرونو اوښتي دي. دغه سيمه کې ډېری مسلمانان اوسي.
د بي بي سي يو خبريال ويلي دي چې چې هندو قهرېدلي لاريون کوونکو يو جومات ته اور ورکړ چې د ننه قران کريمونه هم په کې سوځېدل.
