روهي (دوه نۍ/۵ د کب)، تېره ورځ د عبدالله عبدالله ټاکنيزې ډلې ملاتړي قومندان او د ولسمشر پخواني لومړي مرستيال جنرال دوستم ملاتړو جوزجان ولايت ته خپل والي معرفي کړ.
دوی عبدالحی حیات د جورجان د نوي والي په توګه ټاکلی دی. د جنرال دوستم کسان مني چې والي يې د نوموړي په کور کې معرفي کړ. افغان امنيتي ځواکونو له تېرو څو ورځو د جوزجان ولايت مقام تر کنټرول لاندې نېولی او تېره ورځ د جنرال دوستم ملېشه ځواکونو ته اجازه ورنه کړه چې ولايت ته دننه شي.
د ډاکټر عبدالله عبدالله او جنرال دوستم د بغاوتونو په ترڅ کې، تر اوسه سرپل، جوزجان او سمنګان ولايتونو ته واليان معرفي شوي او همدا ډول د پنجشير والي له ولسمشر غني بغاوت اعلان اود عبدالله عبدالله لمن يې ونېوله.
