د امنیتي سکتور د رهبرۍ غونډه د ملي امنیت سلاکار په مشرۍ جوړه شوه



روهي( پنځه نۍ/۱ د کب )، د هیواد د امنیتي سکتور د رهبرۍ غونډه نن د ملي امنیت سلاکار ډاکټر حمدالله محب په مشرۍ جوړه سوه، چې پکښې د لویو لارو د امنیت ساتنې، د ګمرکونو د عوایدو پر زیاتوالي او همداراز د امنیتي او دفاعي ځواکونو د ملي ورځې او راتلونکو پلانونو په اړه بحث وشو.
 
په ننۍ غونډه کې همدا ډول د سولې پروسې ته د ښې امادګۍ او له ایجاد سوو فرصتونو څخه د سالمې ګټې اخستنې لپاره د وسلوالو ډلو لخوا د یوې اوونۍ لپاره د تاوتریخوالي د کمښت لپاره هم پر امادګیو او اړوندو موضوعاتو بحث وشو.
 
د ټرانسپورټ وزارت سرپرست یما شمس او د ماليې وزارت د ګمرکاتو او عوایدو معین عیسی قدرت د امنیتي سکتور د رهبرۍ غونډې ته وویل، چې امنیتي نهادونه دې د شاهراوو د امنیت په ساتنه، د لارې پر سر د غیر قانوني پیسو ټولولو ، په صادراتو او وارداتو کې د قاچاق په مخنیوي او همداراز د ګرځنده مراقبت په برخه کې ورسره همکاري وکړي.
 
په غونډه کې تصمیم ونیول شو، چې په دې برخه کې د چټکو تغیراتو لپاره موقتي او د دایمي تغییراتو لپاره اساسي بین الوزارتي فعالیتونه وشي، لويې لارې امن او ملي عواید یوازې د دولت خزانې ته ولاړ شي.

د امنیتي سکتور د رهبرۍ په ننۍ جلسه کې همداراز د وسلوالو ډلو لخوا د تاوتریخوالي د کمښت د یوې اوونۍ په موده کې د افغان ملي امنیتي او دفاعي ځواکونو پر امادګیو هم بحث وشو.

تاسو دغه لیکنه شریکولی شئ!

د لیکوال نورې لیکنې
Loading...

تبصرې

تبصرې نشته

خپله تبصره مو ولیکئ