روهي( څلورنۍ/۳۰ د سلواغې )، د ننګرهار ولايت مرکز جلال اباد ښار او کوز کونړ ولسوالۍ کې له يو تن سره سل بورۍ امونيم نايتريت، ۱۴۰ بنډله د سانيه سوز لين او دوه عرادې موټرونه ونيول شول.
د ننګرهار امنې قوماندانۍ د امنيت امر سمونيار سليم طوطاخېل د سلواغې په ۳۰مه د خبري کنفرانس پر مهال وویل، چې د جلال اباد ښار په لومړۍ ناحيه کې يې د عبدالمالک په نوم يو تن سره په ډاټسن ډوله موټر کې ۴۵ بورۍ امونيم نايتريت او ۱۴۰ بنډله د سانيه سوز لين ونيوه.
نوموړي وويل، چې ياد تن د کوز کونړ ولسوالۍ شګۍ په سيمه کې هم په يوه کور کې ۵۵ بورۍ امونيم نايتريت له وړاندې ځای پر ځای کړي و، چې د عملياتو په ترڅ کې د يو عراده سراچه ډوله موټر سره يو ځای ونيول شول.
نيول شوي تن په خپل جرم اعتراف کړی او ترې نورې څېړنې روانې دي.
