غربت دا دی چې په لاس کې مو نوی آيفون مبايل وي خو د خولې غاښونه مو له لسو ډېر ويجاړ وي؛
غربت دا دی چې په زرګونه ټوکې مو په پښتو او دري ژبه زده وي خو د خپل هېواد تاريخ مو در معلوم نه وي؛
غربت دا دی چې د کال په وروستۍ برخه کې مو څوک وپوښتي چې څو جلده کتابونه دې لوستلي او تاسې دوه حرفه ځواب ورکړئ " هېڅ "
غربت دا دی چې په خپلو کوڅو او دښتو کې اشغال اچوې خو د امريکا او فرانسې په تمدن ساعتونه بحث کوې؛
غربت دا دی چې د زرګونو ډالري موټر کې سپور يې خو د ترافيکو په قوانيونو ټکی نه يې خبر؛
غربت دا دی چې خبرې ټولې د آزادۍ کوې خو په بېوزلو انسانانو تجارت کوې او د ماشومانو له وينو خوند اخلې ؛
غربت دا دی چې مېرمن ولرې خو له پرديو لورانو ناوړه ګټه پورته کوې ؛
غربت دا دچې په رب باور لرې خو د هغه يوه خبره هم و نه منې.
راځئ ژوند ته د ژوند په سترګه وګورو!
