روهي( یوه نۍ/۶ د سلواغې )، د امریکا د سمندري ځواکونو یوه چورلکه د عملیاتو په جریان کې د فیلیپین سمندر کې غورځېدلې.
د متحده ایالاتو د سمندري ځواکونو یوه هلیکوپټره MH-۶۰ د پوځي عملیاتو په جریان کې د فیلیپین په آزاده سمندر کې نسکوره شوې، خو پنځه واړه کسان یې ژوندي ژغورل شوې.
د متحده ایالاتو د سمندري ځواکونو ویندوی وویل چې له پنځو تنو څخه درېوو یې حالت خراب دی، چې د جاپاني هلیکوپټرو په مرسته د اوکیناوا نظامي روغتون ته وړل شوي، او دوه نور د متحده ایالاتو بحري ځواکونو ته وړل شوي دي.
د جاپان سمندري ځان دفاع او د جاپان ساحل ساتونکو د متحده ایالاتو دوه جنګي کښتیو سره د ژغورنې په عملیاتو کې برخه واخیسته ترڅو په خوندي ډول یوه چورلکه وپلټل شي.
د متحده ایالاتو د ویاندې بیان د الوتکې د غورځېدو علت نه دی په ګوته کړی.
