روهي( درې نۍ/۱ د دلوې )، جنرال خوشحال سعادت د څو ورځو د چوپتیا څخه وروسته په خپله فېسبوک پاڼه لیکلي د کورنیو چارو وزارت د امنیتي معین په حیث مې یوولس میاشتې دنده ترسره کړه. د افغانستان د خلکو د غوښتنو، د جلالتماب جمهور رئيس د هدایاتو او د افغانستان د نافذه قوانینو سره سم مې خپله دنده د زورواکو، قانون ماتوونکو او ترهګرو پرضد په پوره تعهد سر ته رسولې.
د دې خاورې د یوه عسکر په توګه د جلالتماب جمهور رئيس او د وسله والو ځواکونو اعلی سرقومندان وروستي تصمیم ته کاملا احترام لرم. هیله لرم چې د افغانستان د خلکو د قناعت وړ ګرځېدلی وي.
افغانستان دې ژوندی وي او وسله وال ځواکونه دې بریالي.
