روهي (درې نۍ/۲۴ د مرغومي)، ټوېټر وايي چې د همدې روان ميلادي کال د پيل مياشتو کې به له ټوېټر د ګټې اخېستنې او په ځانګړي ډول پر يو پوسټ يو او بل د ځواب ورکولو يا reply ځانګړنه محدوده کړي.
له دې وروسته به د ټوېټر پوسټ په څلورو طريقو ځواب يا reply کيږي.
۱- پوسټ کوونکی به کږلی چې په خپل ټوېټ د هر ډول ځواب يا reply مخه ونېسي.
۲- پوسټ کوونکی به دا اختيار ولري چې يوازې هغه کسانو ته د ځواب يا reply اجازه ورکړي، چې دی/دي په خپل ټوېټ کې ذکر کړي دي.
۳- د ټوېټر پوسټ کوونکی به وکولی شي چې يوازې هغه کسانو ته د ځواب يا reply حق ورکړي چې دی يې تعقيبوي.
۴- او وروستی دا چې د اوس په ډول چې هر د ټوېټر کارن به کولی چې په ټوېټر پورته شوي ټوېټونو باندې نظر ورکړي.
له ټوېټر ډېرۍ سياسي مشران او نور مشهورې څېرې ګټه اخلي. ځيني وخت دوی د عامو وګړو په څېر په ټوېټر يو او بل ته اوږده ځوابونه، پيغورنه، ګواښونه او اخظارونه ورکوي، چې اوس يې ټوېټر د مخنيو په هڅه کې دی.
