روهي (نۍ/۲۱ د مرغومي)، د عمان پخوانی پاچا سلطان قابوس تېره ورځ د ۷۶ کالونو په عمر ومړ. نوموړي له وړاندې خپل ځای ناست نه وو ټاکلی. د قدرت د خلا پر اساس نن ورځ پلازمېنه مسقط کې شديد امنيتي تدابير نېول شوي.
د پاچا شاهي کورنۍ نن ورځ پرېکړه کړې او د سلطان قابوس پر ځای يې د هغې د تره زوی (هيثم بن طارق) پاچا وټاکلو.
نوموړي د کولمو سرطان درلود. عمان کې د پاچا سلطان قابوس د مړينې له خبر وروسته حکومت درې ورځې ملي ماتم اعلان کړی دی.
عمان کې د پاچا د ټاکلو قانون داسې دی چې پاچا په کې بهرنيو چارو، دفاع، لومړی وزير او همدا د پوځ اعلی سرقومندان هم وي.
