روهي (جمعه/۲۱ د مرغومي)، د ايران بهرنيو چارو وزير جواد ظريف په ټوېټر دا منلې ده، چې د اوکراين نړيوال هوايي شرکت الوتکه تېره اوونۍ په سهوې سره په راکټ وېشتل شوې ده.
نوموړي په ټوېټر لېکلې ده، چې دا يوه انساني تېروتنه وه او د امريکا له خوا په سيمه کې د پيل شوې تاوتريخوالي په اساس دغه مصيبت رامنځ ته شو.
https://twitter.com/JZarif/status/1215847283381755914
نوموړي د خپلو وګړو او نورو هېوادونو وګړو او د قربانيانو کورنيو بښنه غوښتې او تسليت يې ورکړی دی.
د ايران دولتي تلويزيون هم نن د پوځ د خبرپاڼې پر اساس خبر نشر کړ او په کې ويل شوي وو چې ياده الوتکه د ايران سپاه پاسدران ډلې له خوا په تېروتنې سره وېشتل شوې ده.
