روهي( یوه نۍ/۳۰ د لیندۍ )، د احمد شاه ابدالي فرسټ کلاس سياليو ۲۴مه لوبه چې نن سهار د امو زون او بند امير زون لوبډلو ترمنځ د ننګرهار په غازي امان الله خان لوبغالي کې پيل شوې ده، د امو لوبډلې د ۲۱۶ منډو په ځواب کې بند امير ۱۳۲ منډې وکړې.
بند امير لوبډلې د لومړۍ ورځې تر پایه د ۳ لوبغاړو په سوځېدو ۱۳۲ منډې وکړې، چې امان الله رفيقي ۵۵ او عمران جنت ۳۷ ناسوځېدلې منډې کړي دي. د امو له لوري ابراهيم ۲ او نورالله ۱ ويکټ ترلاسه کړې.
تر دې مخکې امو لوبډلې ۲۱۶ منډې کړې وې، چې عبدالواسع ۸۱ ناسوځېدلې او عبدالهادي ۳۵ منډې کړې وې، همدا ډول پروېز امين ۵ او کريم جنت ۲ ويکټې ترلاسه کړې وې.
