روهي( درې نۍ/۱۹ د لیندۍ )، د احمد شاه ابدالي فرسټ کلاس سياليو په لړ کې ۲۰مه لوبه د ننګرهار په غازي امان الله خان لوبغالي کې د امو زون او بوست زون لوبډلو ترمنځ ترسره کېږي، چې د امو زون لوبډلې په لومړۍ پاڼۍ کې ۲۶۲ منډې وکړې.
د لوبې په پيل کې پچه د امو لوبډلې وګټله او توپوهنه يې غوره کړه.
د امو زون لوبډلې په لومړۍ پاڼۍ ۲۶۲ منډې وکړې، چې له ډلې يې زاهد زاخېل ۵۶، حيات الله ۴۸، عبدالواسع ۴۰ او محمد وسیم ۳۸ منډې وکړې.
د بوست له لوري دستګير خان او محمد عالم ۴-۴، وقار الله اسحاق او عبدالباقي ۱-۱ ويکټ ترلاسه کړه.
