روهي(درې نۍ/۵ د لیندۍ)، ټاکل شوې چې د چهارشنبې په ورځ (نومبر۲۷) د هند په لکنو کې د ویست اندیز او افغانستان ترمنځ د کرکټ پنځه ورځنۍ لوبه (ټست) پیل کیږي. دواړو هېوادونو د دغو سیالیو لپاره خپل لوبغاړي اعلان کړي دي او هیله مند دي چې دا سیالي به ګټي. په دواړو لوبډلو کې ځینو ځوانو لوبغاړو ته چانس ورکړل شوی دی. د افغان لوبډلې ښه منډه جوړونکی حشمت شهیدي نشته، کرکټ بورډ وایي چې هغه ژوبل شوی او لوبې نشي کولی. دا د افغانستان د کرکټ څلورمه پنځه ورځنۍ (ټست) لوبه ده، خو ویسټ اندیز له شاوخوا یوې پېړۍ راهېسې دا ډول لوبې کوي.
