روهي( درې نۍ/۲۸ د لړم )، افغان ملي لوبغاړی دولت ځدراڼ به د ویسټ انډیز پر وړاندې په راتلونکې څلور ورځنۍ تمریناتي لوبه کې د سید شېرزاد پر ځای په لوبه کې ګډون وکړي، ځکه سید شېرزاد په هندوستان کې د تمریناتو پر مهال ټپي شوی او د اړوند ډاکټر له لوري ورته د دوه اونیو د استراحت سپارښتنه شوې ده.
همدا ډول نجات مسعود هم د غوراوي کمېټې له لوري د ویسټ انډیز پر وړاندې د یادې تمریناتي لوبې لپاره غوره شوی دی.
د یادولو ده چې د ویسټ انډیز پر وړاندې څلور ورځنۍ تمریناتي لوبه به د روانې نومبر میاشتې په ۲۰مه پیل چې تر ۲۳مې نېټې پورې به دوام ومومي او له دغو لوبو به د ویسټ انډیز پر وړاندې د یوازېنۍ ټېسټ لوبې لپاره بریالي لوبغاړي غوره شي او ترڅنګ به یې یوازېنۍ لوبې ته یو ښه چمتووالی هم واوسي.
