سـپـېده دم او په سبا کې
د سپوږمۍ په تجلا کې
د یو ګـــور چـــنـار د لاندې
وم د یار سره په خوا کې
څه د مینې راز و نیاز و
په مــکـــېز او په ادا کې
د دوه زړونو پیوستون و
د بــلـــبـــلو په نــــــــــوا کې
نه غـــمـــاز و، نه رقـــیب و
بلاکیـــفه شـان دنیا کې
وو زمونږه په چوپړ کې
هره حوره په حیاء کې
ما یو ګـــوټ د میو وکړ
د روا پــه نـــــــــاروا کې
څه بې شانه ساز سرود و
د سمع و تاب په چا کې
د محبوب سره لیده وو
په کـــــلام د لاَ اِلــهٰ کې
اې امین مسعوده ګوره
ددې خوب تعبیر دعا کې
