روهي( یوه نۍ/۲۸ د تلې )، د افغانستان له ۱۹ کلنو کم عمره او پوهنتونونو محصلينو، د پاکستان له ۱۹ کلنو کم عمره او چين هېواد د ملي لوبډلې ترمنځ د درې اړخیزه کرکټ سیالیو په لړ کې د افغان ځوانانو کرکټ لوبډلې چین ته په لومړۍ لوبه کې ماتې ورکړه.
چین په ۱۹،۳ اورونو کې د ټولو لوبغاړو په سوځېدو سره ۶۳ منډې جوړې کړې وې چې په افغان توپ اچوونکو کې نويد احمد ۴ او عزیز توتاخېل درې لوبغاړي وسوځول. په توپوهنه کې افغان ځوانانو پرته دکومې ویکټې له لاسه ورکولو په شپږم اور کې هدف پوره کړ. په توپوهنه کې عطامحمد زرمل ۴۱ او محمد صابر ۱۹ ناسوځېدلې منډې جوړې کړې.
د یادونې ده چې دغه سیالۍ د یادو هېوادونو ترمنځ د لا ښې همغږۍ او اړيکو پياوړتيا په موخه ترسره کیږي.
