روهي( جمعه /۲۴ د زمري )، پرون ورځ د معلولینو د نړیوال سېریز په یوه بله لوبه کې د نړۍ معلولینو غوره لوبډلې ((World XI)) له انګلستان لوبډلې سره شل اوريزه لوبه ترسره کړه چې درې افغان لوبغاړي يې هم برخه وو.
انګلستان لوبډلې په شلو اورونو کې ۱۶۱ هدف وټاکه چې د نړۍ د معلولینو لوبډلې د افغان لوبغاړو پر مټ ياد هدف پوره کړ.
د دې لوبې لوبډلمشر هم افغان لوبغاړی محمدالله و چې ۳۲ مهمې منډې یې جوړې کړې.
دغه راز محمد اشرف ۴۰ او طفیل دوست خېل بیا ۳۵ منډې ترلاسه کړې.
د یادولو وړ ده چې د افغان معلولینو لوبډله به د روانې اګست مياشتې په ۱۸مه نېټه هېواد ته راستنه شي.
