روهي(څلورنۍ/۸ دزمري )، د افغانستان الف لوبډلې لوبغاړي د بنګله دېش پر وړاندې د دوه څلور ورځنیو فرسټ کلاس او پنځه یو ورځنیو لوبو وروسته هېواد ته راستانه شول.
د یادولو ده چې افغان الف لوبډلې په څلور ورځنیو فرسټ کلاس لوبو کې بریا خپله کړه او د پنځو یو ورځنیو لوبو لوبلړۍ یې ۲-۲ په مساوي توګه پای ته ورسوله؛ ځکه یوه لوبه د باران ورښت له امله ځنډول شوې وه.
د یو بل خبر له مخې هندوستان کې د افغانستان لوی سفارت د معلولينو ملي لوبډله وربللې وه.
هندوستان هېواد کې د افغانستان لوی سفارت د هېواد معلولينو ملي لوبډله وربللې وه چې د ناستې پرمهال د کرکټ بورډ ادارې او لوبغاړو له لاسته راوړنو ستاینه وشوه.
