روهي( نۍ/۲ د چنګاښ )، د ۲۰۱۹ ز کال د کرکټ نړیوال جام په لړ کې نن ورځ د افغانستان پر وخت ۲:۰۰ ماسپښین افغان اتلان او د هندوستان د کرکټ ملي لوبډله د یو بل پر وړاندې میدان ته کوزېږي.
افغانستان تردې دمه پنځه لوبې کړې دي چې پنځه واړه یې بایللې او په ۱۰ ځای کې قرار لري چې د ځان سره یوه نومره هم نه لري.
بله خواد هندوستان د کرکټ ملي لوبډلې تردې دمه ۴ لوبې کړې دي چې درې یې ګټلي او یوه یې د باران له کبله مساوي اعلان شوې ده چې د خپل ځان سره اووه نومرې لري او څلورم ځای یې خپل کړی دی.
