روهي( درې نۍ/۲۸ د غبر ګولي )، ولسمشر غني د کرکټ ملي لوبډلې غړو ته په خطاب کې وویل، تاسې هغه اتلان یاست، چې خپل هیواد ته مو عزت ورکړی او د خلکو پر وړاندې ځانګړی مقام لرئ.
ولسمشر غني د هیواد د کرکټ ملي لوبډلې ته په نننۍ کتنه کې د برتانیې ملي لوبډلې سره په سیالۍ کې د بریا هیله وکړه او زیاته یې کړه: د ښه ځلېدو او بریا ترلاسه کولو په خاطر د لوبغالي دننه او بهر ستاسې اتحاد، اتفاق او همغږي ډېره مهمه ده او زه هیله من یم چې بیا هم د افغانستان د ملت لپاره ویاړ ترلاسه کړئ.
د هیواد د کرکټ ملي لوبډلې په استازیتوب ګلبدین نایب د ولسمشر د هڅونې څخه مننه وکړه او وې ویل، کرکټ ته ستاسې پاملرنې، دې ټیم ته زیاتې بریاوې ورپه برخه کړې دي.
