روهي (نۍ/۲۱ د غوايي)، د پاکستان د کرېکټ لوبډلې پخوانی کپتان شاهد افريدي هيله ښوودلې ده، چې د کرېکت په نړيوال پنځوس اوريز جام کې به پاکستانۍ لوبډله د څلورو ټاپ ټيمونو په نوملړ کې راشي.
شاهد افريدي خپلو لوبغاړو ته په خبرو ک ويلي دي چې په مثبت ډول تهاجمي لوبې تر سره کړئ ترڅو وکولی شئ بريا خپله کړئ.
نوموړي زياته کړې، "زه شک نه لرم چې زمونږ لوبډله به په نړيوال جام کې د څلورو ټاپ ټيمونو په لړ کې را نه شي، خو که چېرې زمونږ لوبغاړي له خپلو وړتياوو وړ ګته واخلي."
نوموړي خپلو لوبغاړو ته ويلي دي چې هر لوبه بايد په داسې ډول تر سره کړئ، لکه هغه چې ستاسو وروستۍ لوبه اوسي.
د انګلستان په کوربتوب د کرېکټ نړيوال جام د مې مياشتې په دېرشمه نېټه پيليږي، چې افغان لوبډله هم په کې لوبيږي.
