روهي( نۍ/۲۱ د غوایي )، د هند په تجارتي کرکټ لوبو کې تېره شپه د چینایې سوپر کنګ لوبډلې د ډهلي لوبډله په ۶ ویکټو سره ماته کړه.
چینایې سوپر کنګ په خپل ښه بال او ډګر ساتنې سره د ډهلي لوبډله په ۱۴۷ منډو کې رابنده کړه. مقابل لوري ته د چینایې سوپر کنګ لوبډلې دغه هدف په ۱۹ اورونو کې په اسانۍ سره ترلاسه کړ او خپل ځان یې پایلوبې ته ورساوه چې د راتلونکې یوه نۍ په ورځ به د هند په حیدراباد ښار کې د ممبیې انډینز سره پایلوبه ترسره کړي.
د دغې لوبې غوره لوبغاړی فاف ډو پلېسېز وټاکل شو چې نیمه سلیزه یې جوړه کړې وه.
