(انځوريزې نښې) دا دې وتلي نازک خیاله شاعر، لیکوال او دخوست ولایتي شورا وکیل ښاغلي نورشاه نوراني نثري ټولګه ده، چې دامهال تازه له چاپه راوتلې ده. دغه ټولګه چې د رنګه په پښتۍ په درلودلو سره په سپين کاغذ کې په ښکلي سکښت سره دسریزو له پاڼو پرته په ۶۷ اووشپیتو مخونو کې د ۱۵۰۰ ټوکو په شمیرچاپ شوې، پکې۷ عنوانه لنډې کیسې او ۷ عنوانه ادبي ټوټې راغلي دي.
دغه نثري ټولګه چې د ګل خپرندویه ټولنې له لوري خپره شوې. دخوست ښاراو دهیواد بېلا بېلو ولایتونو په کتاب پلورنځیو کې يې مینه وال ترلاسه کولای شي.
د ښاغلي نوراني د نثر په برخه کې لومړنی چاپیز ګام دی، چې د ادب په ډګرکې يې اوچت کړ.
تردې وړاندې يې یوه شعري ټولګه هم چاپ شوې او درې نور ناچاپ شوي اثارهم لري.
دګل خپرندویه ټولنې اداره
