روهي (دوه نۍ/۱۶ د تلې)، د افغانستان د کرکټ غوره لیګ سيالۍ چې په عربي متحده اماراتو کې تر سره کيږي، پرون دوه لوبې وشوې چې يوه يې پکتيا او بله يې بلخ لوبډلې وګټلې.
په يادو دوه لوبو کې پکتيا لوبډلې ننګرهار او بلخ لوبډلې کندهار ته ماته ورکړه او لوبې يې خپلې کړي. بلخ لوبډلې کندهار لوبډلې ته ۱۶۵ هدف ورکړی وو چې کندهار لوبډلې پوره نه کړ.
د يادونې ده، چې د افغانستان د کرکټ غوره لیګ سيالۍ په عربي متحده اماراتو کې تر سره کيږي، چې د کورنيو لوبغاړو ترڅنګ د نړۍ يو شمېر مشهور لوبغاړي هم په کې لوبيږي.
