(روهي ـ ۱۳۹۷لمریز،غبرګولې۲۳مه) روزونکی سیمنز ویلي، چې افغانستان به د هند پر وړاندې په زړه پورې لوبه وکړي.
د افغانستان د کرکټ د ملي لوبډلې مشر روزونکي فیل سیمنز له هند سره د افغانستان د کرکټ تر تاریخي لوبې څو ورځې مخکې دا څرګندونې کړي دي.
د هغه په وینا، چې افغان لوبغاړو د دغې لوبې لپاره ښه تمرینونه هم کړي او چمتو دي، خو ټېنګار کوي چې په لوبه کې به فشار وي.
بل خوا د افغانستان کرکټ بورډ هم په خپل رسمي فیسبوک کې د هغه مرکه خپره کړې ده.
افغانستان تېرکال په دې میاشت کې د کرکټ د نړیوالې شورا بشپړ غړی شو او سږکال په همدې میاشت کې له هند سره خپله لومړنۍ ټسټ لوبه کوي.
